محفظتكـ تحت المجهر

محفظتكـ تحت المجهر

الظاهر كدا انه كله تحت المجهر

الاسئله
.
.
.
1- بتحط فى محفظتك صور شخصيه ليك ولا لأ
(او لحد عزيز عليك )

2 -لون المحفظه ايه؟ ونوعها كمان؟


3- اكبر مبلغ واصغر مبلغ وضع فيها؟
4-ياترى معاك فيزا كارت ولالآ
5 -ايه هو الشئ اللى مش تقدر تستغنى عن
وضعه ف المحفظه؟
6- اشتريت كام محفظه وتسرقت؟
7- حاجه ضاعت من المحفظه وزعلت عليها؟
8-موقف طريف اتعرضت له
( نسيتها مثلا لاقيتها فاضيه و قال ايه كان فيها .....)
9- فيها كام جيب المحفظه؟
10- اوصف محفظتك بكل حزافيرها؟
11-ياترى لسه محتفظ باول محفظه اشتريتها؟
ويا ترى يا هل ترى مين اللى كان شريها ها
(لوانت بنفسك اذكر ثمنها-ولوهديهمن مين ياترى )

12-آى أقوال آخره تحب تضيفها يا آدم
*السؤال الاجبارى:
13- المحفظه دلوقتى فيها فلوس قد ايه

واخيرا بعد طول غياب انا (واعوذ بالله منى )رجعت تانى
يااااااااااااه اكيد المنتدى كان مضلم من غيري
ما علينا كفايه رغي بقي
نبدء في الرغي التانى بتاع المجهر ده

بصي يا ستى وما ستك الا انا
1- اه طبعا بحط صور في محفظتى ليا وصور لناس عزيزه عليا او حتى مش عزيزه
2- هى المحافظ ليها انواع؟؟؟؟؟؟؟؟؟؟؟؟؟؟؟؟؟؟؟
هى لونها وردى في ابيض او اسود ممكن رمادى او احتمال................. نسيت
بس تقريبا وردى في ابيض كانت جايلي هديه في عيد ميلادى

3- ايه الاحراج ده
بيتهيئلي اصغر مبلغ واكبر مبلغ اتحط فيها كان صفر هههههههههههههه
تقريبا اصغر مبلغ كان بريزه او شلن واكبر مبلغ يا 50 يا 100 جنيه ممكن اكتر كمان مش فاكره


4- الفيزا دى دوا ولا ايه؟؟؟؟؟؟؟؟؟؟؟؟؟؟؟
اه انا الدكتور قالي خدى فيزا للبرد بس انا مشترتهاش


5-هما حاجات كتير مقدرش استغنى عنهم في المحفظه شوية ورق وحاجات تانيه مش هقولهم رخامه


6-انا مبشتريش محافظ اصلا بيجولي هدايا ومن نفس الشخص لغاية اما زهقت خالص يعنى ينفع يا برتي ادخل عليكى في عيد ميلادك وفايدى محفظه
ترضيها انتى


7-صورة بابا وهو صغير طارت في الهوا من ايد واحده صاحبتى وزعلت عليها اوى


8- موقف طريف انا اللي اتعرضتله ولا المحفظه ههههههههههههه
بصي يا ستى هو مش طريف بس سعيد (حصل للمحفظه القديمه مش اللي معايا دلوقتى) كنت ماشيه مع اهلي في شارع زحمه ودخلت محل اشترى حاجه وبعد اما اتفقت مع البياع علي التمن بطلع المحفظه ملاقتهاش دورت كتير ملاقتهاش في الاخر زعلت جدا لان المحفظه كان فيها حاجات غاليه علي جدااااااااااااااااااااااا (مش الفلوس محدش يفهمنى غلط) المهم بعد يومين كده لاقيت واحده صاحبتى بتتصل بيا وبتقلي محفظتك اللي ضاعت واحد لاقاها انا افتكرتها بتهزر بس لاقيتها بتقولي ان واحد لاقي المحفظه وعلاف اسمى من الكارنيه اللي كان في المحفظه ولاقي نوته كان اسمى صاحبتى دى ورقم تليفونها اول اسم راح اتصل بيها وقالها صاحبتك فلانه(اللي هي انا) محفظتها معايا هى اتصلت بيا وادتنى رقمه خليت ماما تتصل بيه ادانا عنوانه عشان نروح ناخدها خليت بابا يروح يجبها ورجعتلي وكنت فرحانه اوى

طبعا رجعت من غير الفلوس اللي كانت جواها بس الحمد لله

9- القديمه ولا الجديده
مش عارفه والله بس اكتر من 5 علي ما اعتقد

10- ايه الاسئله الرخمه دى
هى بتطبق علي نفسها تلت مرات فيها حبل طويل علشان لو عاوزه البسها زى الشنطه فيها جيب كبير اوى فيه سوسته والباقي جيوب صغيره

11- لاء طبعا مش محتفظه بيها لانى مشترتش محافظ بس اول واحده جاتلي هديه اه لسه محتفظه بالمحفظه

12- ادم مين ؟؟؟؟؟؟؟؟؟ انا بكيزه
اقوالي هى اسئلتك ررررررررررررررررررررررررررخمه

13- رء طبعا المحفظه دلوقتى مفيهاش فلوس لانى مش بستخدمها بقالي فتره
دانا حتى مش فاكره رميتها فين